Yay mövsümündə ultrabənövşəyi şüaların sayı payız-qış mövsümünə nisbətən üç dəfə artıq olduğu üçün dərini və gözləri gündən qorumaq vacibdir. Havalar isindikcə də günəş eynəklərinə olan təlabat artır. 

Gün eynəkləri yayın əsas və istifadə olunan aksesuarlarından biridir. Həkimlər isti günlərdə eynəklərin sağlamlıq üçün zəruri olduğunu qeyd edirlər.

Hal hazırda dünya əhalisinin təxminən 75% eynəkdən istifadə edir. Bəziləri görmə qabiliyyətini düzəltmək üçün, bəziləri gözləri günəş işığından qorumaq üçün geyinir, bəzi gözlüklər isə şık bir görüntünün elementidir. Ancaq eynək istifadə məqsədindən asılı olmayaraq, onları seçməlisiniz ki, onlar üzün formasına, gözlərin və dərinin rənginə və ümumi şəkildə mükəmməl uyğunlaşsın. Eynək alarkən onların keyfiyyətinə xüsusi diqqət yetirmək lazımdır.

 

 

Yayda gün eynəyi alarkən nəyə diqqət etmək lazımdır? Əgər gün eynəyi seçməkdə çətinlik çəkirsinizsə, aşağıda təqdim etdiyimiz məlumatlar sizə kömək ola bilər.

 

UV qoruması

 

Günəş eynəyi aldığınız zaman nəzərə alınması lazım olan ən önəmli xüsusiyyət şüşələrinin ultrabənövşəyi şüalardan qoruma dərəcəsidir. Normalda günəş eynəkləri üçün nəzərdə tutulmuş hər şüşə ultrabənövşəyi şüaları müxtəlif nisbətdə blok edə bilər, lakin effektiv ultrabənövşəyi blokaj üçün xüsusi örtüklər tələb olunur. Günəş eynəklərinin UVA və UVB məhdudlaşdırma səviyyələri araşdırılmalı, 99%lik qoruma dərəcəsinə (ideal 100 faiz blokaj) üstünlük verilməlidir. UVA və UVB şüalarının qarşısını alan etiketli UV 400 etiketinə sahib olan bir cüt günəş eynəyi gözünüzün ətrafındakı həssas dərinizi, gözlərinizi qoruyaraq sizə rahat bir görünüş təmin edəcəkdir.

 

 Rəng

  

İndi istənilən rəngdə eynək almaq mümkündür – göy,qara, bənövşəyi, sarı. Günəş eynəyində şüşə rənginin seçilməsi şəxsi zövqlərdən asılı olsa da, seçdiyiniz rəngin bəzi sahələrdə görünüşünüzə təsir edəcəyini unutmayın. Gözlər üçün ən yaxşı rəng qəhvəyi, sarı və yaşıl hesab edilir.

 

 

Nə zaman hansı rəngdə eynək seçilməlidir?

 

Qəhvəyi, boz, yaşıl rəngli eynəklər: Bu rənglərdəki günəş eynəklərinin orta-üstü parlaqlıq şəraitində parıltıların qarşısını alması və göz yorğunluğunu azaltması gözlənilir.

Sarı, qızıl, açıq qəhvəyi rəngli eynəklər: bu rəngli eynəklər parlaqlıq mənasında daha az qoruma ilə təmin etsələr də, orta səviyyəli qoruma performansı göstərərlər. Bu eynəklərin istifadəsi xüsusilə xizək sürməklə məşğul olan və ya digər qış  idmanlarıyla maraqlananlar üçün olduqca əhəmiyyətlidir.

Çəhrayı, qırmızı: buludlu hava şəraitində keçiriləcək xizək yarışı zamanı seçilə bilər. Əlavə olaraq mavi və yaşıl rəngdə arxa planı olan obyektlərin görünüşünü artırır, bu da onları yaşıl sahələrdə (məsələn meşədə) istifadəsi üçün daha uyğun olur.

Aynalı şüşələr: işığı daha çox əks etdirib gözə daha az keçməsini təmin edən reflektor günəş eynəkləri obyektləri olduğundan daha qaranlıq göstərirlər və istifadələri ümumi olaraq qumlu, sulu, qarlı və yüksək hündürlük şərtlər üçün uyğundur.

 

Ölçü

 

 

Eynək nə qədər böyük olsa bir o qədər yaxşıdır. Onlar həm dəblidir, həm də gündən yaxşı qoruyur.

 

Linza

Əgər siz linzadan istifadə edirsinizsə, mütləq eynəkdən istifadə etməlisiniz ki, linzalar qurumasın.

 

Xamelyon eynək

Onların şüşələri işıqdan asılı olaraq dəyişir. Unutmayın ki, onların rəngi bir anın içində dəyişmir. Buna görə günəş altına çıxan kimi bir müddət gözləriniz müdafiəsiz qala bilər.

 

Uşaqlar

Əgər uşaqların görmə qabiliyyəti aşağıdırsa, onlara gün eynəyi taxmaq olmaz. Gözlər normaldırsa, onları mütləq qorumaq lazımdır.

Gün eynəkləri qarderobun ən  mürəkkəb aksesuarlarındandır. Bir çoxları eynək seçərkən aynanın qarşısında fərgli formada eynəkləri taxaraq uzun-uzadı götür-qoy edirlər. Əslində isə, üzün quruluşuna necə çərçivə uyğun gəldiyini bildikdən sonra bu proses asanlaşır.

Düzgün eynəyi necə seçiləcəyinə dair sualın cavab həmişə çox sadədir – ilk öncə insanın üz quruluşun  müəyyənləşdirməlisiniz. 

 

Üz quruluşuna görə eynək seçimi necə olmalıdır?

 

Yumru

Yumru üzlü insanların seçim etməməsi lazım olan eynək forması yumru kəsimli eynəklərdir. Üzə bir az uzunluq qatmaq və daha zərif görünməsini təmin etmək üçün küncləri çox kəskin olmayan dörd bucaq şəklindəki eynəklər daha uyğun olacaqdır.

 

Oval

Bu cür üz quruluşunun sahibləri doğurdan da çox şanslı sayılırlar. Çünki demək olar ki, onlara hər növ eynnək çərçivəsi yaraşır. İstədiyiniz bütün formalı çərcivələrdən istifadə edə bilərsiniz.

 

 Ürək forma 

Pilot, pişik gözü formasında eynəklər sizə yaraşacaq.

 

Dördbucaq forma

Dördbucaq üzlü insanlarda çənə sümükləri nəzərə çarpandır və üzü əhatə edən saç xətti ilə sanki dördbucaq formalı bir görünüş yaranır. Bu tipdə üzü bir az daha yumuşaltmaq üçün yumru xətli eynəklər seçilə bilər. Bundan başqa daha kiçik çərçivələr üzü daha uzun göstərəcəkdir.

 

Üçbucaq forma

Üçbucaq formasında üzü olan insanlar dar çənə və yüksək almacıq sümüklərinə malikdirlər. Bu tipdə ən səhv seçimlərdən biri qalın və sərt xətli çərçivələrdir. Pişik eynəklər, oval və ya çərçivəsiz eynəklər seçim edilə bilər. Üst qismi daha geniş, alt qismi daha dar olan eynəklər bu tipə çox yaraşır.

Avropa dizaynerləri bu ilin eynək modasında daha çox sadəliyə üstünlük verirlər. Odur ki, daş-qaşlı, çərçivəli, bəzədilmiş eynəklərdən çox sadə eynəklərə üstünlük vermək lazımdır.

Hər şey sizin tərzinizdən və zövqünüzdən aslıdır. Hər halda obrazınızı rəngarəng etmək və öz tərzinizi yaratmaq üçün böyük imkanlarınız var.

 

Müxtəlif brendlərin  orjinal, dəbli eynək və çantaları və digər aksesuarları mümkün rəng seçimləri və forması ilə Shop.az saytında tapa bilərsiniz. Eləcə də Bakı mağazalarında satılan malları Shop.az saytı vasitəsi ilə onlayn sifariş edə bilərsiniz.

 

Eyni zamanda siz, Bakıda satılan texnika və elektronikanın digər malları da daxil olmaqla, mobil telefonlar, smartfonların eləcə də , kompüter, noutbuk və sair xarakteristikasını, qiymətini öyrənmək üçün Shop.az saytına daxil ola bilərsiniz. Shop.az, Bakının müxtəlif mağazalarında satılan malları sizin rahatlığınız üçün toplayan və seçiminizə kömək edən saytdır! İndi sifariş et, qısa bir müddət də çatdırılma xidmətimiz ilə sizə uyğun vaxt və ünvana təhvil verə bilərik.

 

Hazırda baş verən hadisələri nəzərə alaraq, Shop.az sizin sağlamlığınız üçün  evdə qalmağı və istədiyiniz məhsulu Shop.az-dan sifariş etməyi məsləhət görür.